Newsletter
Name:
E-mail:

Адыгэ къуаем и мафэ Адыгэ Республикэм щыхагъэунэфыкIыщт

admin - 2016-08-27 07:17:14

Непэ, щышъхьэIум и 27-м, псэупIэу Дахъо иIэгъо-блэгъукIэ Гъозэрыплъэрэ Лъэ­гъо-Накъэрэ якIурэ гъогухэр зы­щызэхэкIыхэрэм Графскэ гъэхъунэм апэрэу адыгэ ­къуаем и Мафэ щызэхащэщт.

МэфэкIым изэхэщакIо­хэр мэ­къу-мэщымкIэ АР-м и Минис­терств, зекIонымкIэ ыкIи зы­гъэпсэфыпIэхэмкIэ АР-м и Комитет, шъолъыр общественнэ организациеу «Туристическая Адыгея» зыфиIорэр арых.

Мы чIыпIэм къекIолIэрэ пстэ­уми адыгэ къуаем иихыкIэ арагъэлъэгъущт, ащ ыкIи Адыгэ лъэпкъ шхыныгъохэм яIэшIугъэ ыпкIэ хэмылъэу арагъэуплъэ­кIущт. Адыгэ мэкъамэхэр щыIу­щтых, Iэпэщысэхэм, шхыныгъо зэфэшъхьафхэм якъэгъэлъэгъон зэхащэщт, пхъэм тхып­хъэ зэмлIэужыгъохэр хэ­зыб­зыкIыхэрэм, дышъэидэным пылъхэм яIофшIагъэхэр къагъэ­лъэгъощтых, Iэпэщысэхэм яшIын щыщ шъэфхэр къыщызэIуахы­щтых.

Адыгэ къуаер зышIырэ мэкъумэщ хъызмэт­шIапIэхэм азыфагу зэнэкъокъу зэхащэщт — къекIолIагъэхэм анахь агу рихьыгъэ гъомылапхъэр къэзышIыгъэр ары те­кIоныгъэр зыфагъэшъошэщтыр. Ащ нэмыкIэу, хьакIэхэри зэнэкъокъухэм ахэлэжьэнхэ алъэ­кIыщт.

Адыгэ республикэм цIыф лъэпкъ зэфэшъхьафхэр зэгурыIохэзэ зэрэщызэдэпсэухэрэм ишы­хьатэу адыгэ ыкIи къэзэкъ ансамблэхэм якъэгъэлъэгъон цIыф­хэр ыгъэчэфыщтых, кIэу­хым адыгэ джэгу щыIэщт.

МэфэкIым хэлэжьэнэу фэе пстэури зэхэщакIохэм къырагъэблагъэх, ар мафэм сыхьатыр 3-м аублэщт.

adygvoice.ru

 

Add comment

Name : *
Country :
E-mail :
Subject : *
Comment :
Users Comments