Newsletter
Name:
E-mail:

ЛIыхъурае Беслан пшъэрылъ шъхьэIэу иIэр: къыфатхырэм къеджэжьыныр ары

admin - 2016-08-12 22:26:41

ЛIыхъурае Беслан

 

Хъуадэ Аднан

ЩышъхьэIум и 12-м, Мыекъуапэ мэхькэмэм Хъуадэ Аднан ихьапс чIэсын джыри мэфэ 14 ригъэхъугъ, щышъхьэIум и 26-рэ нэс. Хъуадэм и адвокатэу Абрэдж Иланд Аднан хьапсым джыри чIэсынэу зи шъхьэусыгъо зэрэщымыIэр законхэмкIэ къыгъэлъэгъуагъ ау ахэр къыдимылъытэу Мыекъуапэ мэхькэмэм ипащэ ЛIыхъурай Беслан джыри мафэ 14 Аднан хьапсым чIэсынэу фыригъэхъугъ.

Мэхькэмэм цIыфэу чIэсыгъэхэм ащыщгорэм къызэриIуагъэмкIэ а ЛIыхъурай зыфаIорэм зи мэхьанэ иIэп. Ащ пшэрылъ шъхьэIэу иIэр зыгорэхэм къыраIорэр ыгъэцэкIэныр ары ыкIи къыфатхырэм къеджэжьыныр ары.

Шъугу къэтэгъэкIыжьы, жъоныгъуакIэм и 5-м Хъуадэ Аднан полицием ыубти хьапсым чIигъэтIысхьагъ ку ыфын фимытэу ыфыгъ аIуи ыкIи мэхькэмэ ашIи мафэ 15 тыралъхьэгъагъ. ЖъоныгъуакIэм и 20-м джыри зэ мэхькэмэ ашIи мэзитIу тыралъхьэгъагъ. Бэдзэогъум и 14 Мыекъуапэ мэхькэмэм (шъхьакIо зиIэ кIалэгор)Аднан джыри зы мазэ хьапсым чIагъэсыным дыригъэщтэгъагъэп. Бэдзэогъум и 19 шъхьакIо зимыIэ Адыгэ республикэм и апшъэрэ судым унашъо къыхьыгъ Аднан джыри зы мазэ хьапсым чIэсынэу фыригъэхъугъ.

Бзэджэгъэ Iофэу Аднан къыпалъхьэнэу зыфаехэр къуалъхьэ полицием ритынэу фэягъ, аIо полициехэм.

Адыгэ активистхэм къызэраIорэмкIэ Хъуадэ Аднан Адыгэ Iофым зэрэпылъым пае ыкIи Адыгэ лъэпкъ-гъэкIодыр дунаемкIэ ащтэнэу зэрэдэлажьэрэм пае хьапсым чIагъэтIысхьагъ. ИлъэситIу ипэкIэ мафищэ хьапсым чIагъэсыгъагъ, мазэ заулэ ипэкIэ мафэ 8 чIагъэсыгъагъ. Иунэ идучан бэрэ къаплъэхьэу хъугъэ.

Add comment

Name : *
Country :
E-mail :
Subject : *
Comment :
Users Comments