Newsletter
Name:
E-mail:

Мыекъуапэ Хасэм дыригъащтэрэп Адыгэ Республикэм щымыщыр республикэм лIыкIоу фэхъуныр

admin - 2016-08-11 22:06:08

 

ЩышъхьэIум и 11-м, Адыгэ Республикэм щылажьэрэ Мыекъуапэ "Адыгэ Хасэ - Черкес Совет"-м игъэцэкIакIо куп зэхэсыгъо иIагъ. Ар зэрищагъ хасэм итхьэматэу Цундышк Заурбый.

Зэхэсыгъом IофыгъуитIу тегущыIагъэх. Урысие Федерацием ипарламент хэдзынхэу щыIэщтхэр, хэку къэгъэзэжьын Iофыр.

Апэрэ IофыгъомкIэ гъэцэкIакIо купым хэтхэм яеплъыкIэхэр зэтефагъэх. Адыгэ республикэм илIыкIоу Урысие Федерацием ипарламент хэдзыщтым Адыгэ республикэм ипащэхэр Владислав Резник зэрэкъоуцуагъэхэм гъэцэкIакIо купым хэтхэм дырагъащтэрэп ыкIи мыщ ехьылIагъэу, неущ, щышъхьэIум и I2-м джапсалъэ къатыщт.

АтIуанэрэ IофыгъомкIэ хэкум къэзыгъэзэжьыщтхэм апае квот зыфаIорэр зэрыщымыIэр ары. МыщкIэ гъэцэкIакIо купым хэтхэм зээдращтагъ къэгъэзэжьын Iофым дэлажьэрэ зэфэшъхьэф хьыкумэт къулыкъухэм аIукIэнхэу.

Мыекъуапэ Адыгэ Хасэм ипресс гупчъэ

maykopkhaseadyg.blogspot.ru

 

Add comment

Name : *
Country :
E-mail :
Subject : *
Comment :
Users Comments