Newsletter
Name:
E-mail:

Черкес Федерацием итхьэматэ Сирие заом ишъхьэ къыхэзыхыжьыгъэ Адыгэхэм адэжь кIуагъэ

admin - 2016-07-15 12:36:51

Бэдзэогъум и 8-м, Тыркуем щылажьэрэ хасэу "Черкес Федерцие" зыфиIорэм итхьэматэ Бажь Нусрэт-Бащ Сирие заом ишъхьэ къыхэзыхыжьыгъэ Адыгэхэр зыщыпсэурэ кампэу Гази-Интаб кIуагъэ. Ащ щаIукIагъ кампым щыпсэурэ Адыгэхэм ыкIи кампым итхьэматэ. Джащ фэдэу къыщатхы Черкес Федерацием исайт.

Нусрэт-Бащ къыфаIотагъ кампым щыпсэухэрэм яIоф уезэгъынэу зэрэщытыр ыкIи щыкIагъэу яIэхэр. МыщкIэ къыхагъэщыгъ, Тыркуе хьыкумэтым заом ишъхьэ къыхэзыхыжьыгъэхэм Тыркуе паспортхэр аритынэу гухэлъ зэриIэм зэрэщыгугъыхэрэр ыкIи ащ лъэщэу ящыIакIэ-псэукIэ нахьышIу зэришIыщтыр къаIуагъ. Нусрэт-Бащ лъэкIэу иIэмкIэ адэIэпынэу ариIожьыгъ.

Гази-Интаб кампым Сирием къикIыгъэ Адыгэхэмрэ нэмыкI темыр кавказ лъэпкъхэм ащыщыхэмрэ зэхэтхэу чIыпIэ шъхьэф къаратыгъэу щэпсэух. Ахэр унагъо 160 мэхъу (Адыгэхэр унагъо 90 мэхъу нэмыкI кавказ лъэпкъхэр унагъо 70 мэхъу).

Илъэс заулэ ипэкIэ, Сирие заор къызежьэм, куп хъухэу, Нусрэт-Бащ япэрытэу Тыркуе хьыкумэтым дэгущыIэгъагъэх Сирие заом ишъхьэ къыхэзыхыжьыгъэ Адыгэхэм апае камп шъхьаф къаратынэу. Ащ нэмыкIэу, а купым Урысие Федерацием тхылъкIэ зыфигъэзэгъагъ Сирие Адыгэхэм ащыщ купгорэ Адыгэ хэкум ащэжьынхэу ау Урысием джэуап къаритыжьыгъагъэп. Мыщ нэужьым, а купым Черкес Федерациер зэхищэгъагъ, Нусрэт-Бащ ащ итхьэматэ къыхахыгъагъ.

 

 

 

 

 

Add comment

Name : *
Country :
E-mail :
Subject : *
Comment :
Users Comments