Newsletter
Name:
E-mail:

Тыркуем Иорданием ащыщ Адыгэ кIэлэцыкIухэр Кфар-Кама ихьакIэх

admin - 2016-07-14 09:37:42

Бэдзэогъум и 13-м, Тыркуем ыкIи Иорданием ащыщ Адыгэ кIэлэцыкIу 30 фэдиз Израил ит Адыгэ къуаджэу Кфар-Кама нэсыгъэх. Ахэр тхьэмафэ заулэ къуаджэм щыIэщтых. Джащ фэдэу къыщатхы Кфар-Кама хасэм фасебукмкIэ нэкIубгъоу щриIэм.

Мыр атIуанэрэ илъэсэу зэфшъхьэф хэгъэгухэм ащыщ Адыгэ кIэлэцыкIухэр Кфар-Кама хасэм еугъоих. НэкIубгъом къызэрэщатхырэмкIэ мыщ пшъэрылъэу иIэр Адыгэ ныбжьыкIэхэр нахь зэпэблагъэу хъунхэр ары.

КIэлэцыкIухэр Израил ит Адыгэ къуаджитIум Кфар-Камарэ Рихьаниерэ нэIуасэу афашIыщтых ыкIи Израил изэфэшъхьэф шъолъырхэр къарагъэплъэхьыщт. Ащ фэшъхьэфэу Кфар-Кама зэхахьэхэр, джэгухэр ыкIи нэмыкIхэр къыщырагъэкIокIыщтых. 

 

Add comment

Name : *
Country :
E-mail :
Subject : *
Comment :
Users Comments