Newsletter
Name:
E-mail:

Адыгэ къуаджэм илIыкIохэр Израил ипарламент кIуагъэх Адыгэ лъэпкъ-гъэкIодыр афаIотэнэу

admin - 2016-05-25 23:57:54

СэмэгумкIэ: Кфар-Кама итхьэматэ Нэпсэу Закарие Израил ипарламент итхьэматэ Голдищтайн Юли  

ЖъоныгъуакIэм и 24-м, Израил ит Адыгэ къуаджэу Кфар-Кама илIыкIохэр Израил ипарламент кIуагъэх Адыгэ лъэпкъ-гъэкIодыр къафаIотэнэу. Джащ фэдэу Кфар-Кама хасэм фасебукым щриIэ нэкIубгъом къыщатхыгъ.

ЛIыкIохэм хэтыгъэх, Кфар-Кама итхьэматэу Нэпсэу Закарие, хасэм хэт депутатхэм ащыщхэр, Кфар-Кама дэт Адыгэ Музием итхьэматэу Тхьаухъо Зогер, къуаджэм икъэшъуакIо купэу "Типсэ" ыкIи нэмыкIхэр.

ЛIыкIохэр Израил ипарламент итхьэматэу Голдищтайн Юли IукIагъэх, парьаментым хэт депутатхэм ащыщхэм аIукIагъэх ыкIи ахэм Адыгэ лъэпкъ-гъокIодым фэгъэхьыгъэ тхъылъ цIыкIухэр ЕврейбзэкIэ тхыгъэхэу аратыгъэх.

КъэIогъэн фае, илъэс заулэ ипэкIэ Израил ихькумэт унашъо ыщтэгъагъ, жъоныгъуакIэм и 21-рэ мафэм (Шъыгъо-ШIэжь мафэм) зышIоигъом Iоф ымышIэнэу фитэу (гъэпсэфыгъо мафэу).

 

 

Add comment

Name : *
Country :
E-mail :
Subject : *
Comment :
Users Comments