Newsletter
Name:
E-mail:

Хъаудэ Аднан пае Адыгэ Хэкупсэхэм Истамбыл митинг щашIыгъ

admin - 2016-05-25 00:45:58

 

ЖъоныгъуакIэ и 21-м, шъыгъо-шIэжь мафэм Адыгэ хэкупсэхэм Тыркуем ит къалэу Истамбыл митинг щашIыгъ. Ар илъэс къэс зэрашIырэм фэдэу къырагъэкIокIыгъ ау мыгъэ Хъуадэ Аднан Адыгэ РеспубликэкIэ хьапсым зэрэчIагъэтIысхьагъэм пае, ащ иIофи мы мафэм къаIэтыгъ ыкIи Аднан къатIупщыжьынэу чIэдэуагъэх.

Шъугу къэтэгъэкIыжьы, жъоныгъуакIэм и 20-м, Хъуадэ Аднан мэхькэмэм ащи уплъэкIун комитет къулыкъумрэ прокурорымрэ Мыекъуапэ имэхькэмэ елъэIугъэх Хъуадэ Аднан ихьапс чIэсын джыри мазэ 2 рагъэхъунэу. Ахэм зэраIогъэм фэдэу мэхькэмэм унашъо ышIыгъ джыри мазитIу хьапсым чIэсынэу.

ЖъоныгъуакIэм и 5-м Аднан полицием ыубти хьапсым чIигъэтIысхьэгъагъ ку ыфын фимытэу ыфыгъ аIуи ыкIи мафэ 15 тыралъхьэгъагъ. Я I5 мафэм Аднан хьапсым къамытIупщыжьыным пае ипшъэкIэ къызэрытыIуагъэу мэхькэмэм ащи джыри мазитIу рагъэхъугъ. Бзэджэгъэ Iофэу Аднан къыфызэIуахыгъэр къуалъхьэ полицием ритынэу фэягъ аIо. Мыщ законымкIэ илъэси 8 талъхьэн алъэкIыщт.

Адыгэ активистхэм къызэраIорэмкIэ хъуадэ Аднан Адыгэ Iофым зэрэпылъым пае ыкIи Адыгэ лъэпкъ-гъэкIодыр дунаемкIэ ащтэнэу зэрэдэлажьэрэм пае хьапсым чIагъэтIысхьагъ. ИлъэситIу ипэкIэ мафищэ хьапсым чIагъэсыгъагъ, мазэ заулэ ипэкIэ мафэ 8 чIагъэсыгъагъ. Иунэ идучани бэрэ къаплъэхьэу хъугъэ. 

Add comment

Name : *
Country :
E-mail :
Subject : *
Comment :
Users Comments