Newsletter
Name:
E-mail:

Немцов теухуа резолюцэ къыхалъхьащ Штат Зэгуэтхэм я Конгрессым деж

admin - 2016-04-23 00:41:43

 

Урысей оппозицэ политик Немцов Борис и Iуэхум теухуа резолюцэ къыщыхалъхьащ Штат Зэгуэтхэм я Конгрессым.

Конгрессым хэт нэрыбгитIым къыхуеджэныгъэ ящIащ 2015 гъэм мазаем Мэзкуум деж щыхэкIуэда Немцов Борис и укIыгъэр зэхагъэкIын папщIэ урысей унафэщIхэм тракъузэну.

Резолюцэр къыхэзылъхьа конгрессменхэу Рос-Лейтинен Илеанрэ Энгель Элиотрэ къыхуеджэныгъэ ящIащ урысей оппозицэ политикыр езыгъэукIамрэ зыукIахэмрэ жэуаплыгъэ ирагъэхьын папщIэ президент Путин Владимир тракъузэну.

Политикхэм апхуэдэу Штат Зэгуэтхэм я президент Обамэ Барак зыхуагъэзащ урысей демократие зэщIэхъееныгъэхэмрэ бэдаущ зэгухьэныгъэхэмрэ зэрадэIэпыкъур нэхъыбэ ящIыну.

Кремлым и политикэм пхъашэу тепсэлъыхь, урысей оппозицэ политик Немцов Борис яукIащ Мэзкуу и курыкупсэм, нэгъабэ мазаем икIэм.

Урысей унафэщIхэм а укIыгъэмкIэ нэрыбгитхур ягъэкъуаншэ, ар къызэрагъэпэщу ягъэзэщIауэ палъхьэри, ауэ политикыр хэубыдыкIауэ езыгъэукIар къахуэмыцIыхуу аращ жаIэр.

Хуитыныгъэ Радио

 

Add comment

Name : *
Country :
E-mail :
Subject : *
Comment :
Users Comments