Newsletter
Name:
E-mail:

Хъурцэм Шъхьафитныгъэм имафэ щыхагъэунэфыкIы

admin - 2016-04-10 09:42:57

 

Мэлъылъфэгъум и 9 Хъурцэм щыхагъэунэфыкIы лъэпкъ зыкIыныгъэм, зэгурыIоныгъэм, къэралыгъом ишъхьафитныгъэ фэбэнэныгъэм ямафэ. 1989 илъэсым мы мафэм къалэу Тбылыс игупчэ къыдэкIгъэгъэ цIыфхэр Советыдзэм зэхифхэрэ бэхэр хэкIодэгъагъэх. ЦIыфхэу, анахьэу ныбжьыкIэхэу, бзылъфыгъэхэу къыдэкIыгъагъэхэр къэралыгъом ишъхьафитныгъэ фэбанэщтыгъэх. КъызэратхырэмкIэ, зэкIэмкIи цIыф нэбгырэ мини 10 фэдиз щыIагъ зэхахьэм.

ЦIыфхэу хэкIодагъэхэр нахьыбэрэмкIэ зэрылIыкIыгъэхэу, уплъэкIукIохэм къызэратхыжьыгъэу къэбар лъыгъэIэс амалхэм къызэратхрэмкIэ, цIыфыбэ зэхэтэу пчэгум икIыжьыщтыгъэхэр Iужъоу зэхэт зэрэхъугъэм къыхэкIэу бэмэ жьы зэрамыгъотыгъэм пай. Ар джыри къыгъэхьылъагъэу ары, цIыф купхэм дзэкIолIхэм къахадзэгъэгъэ нэпс къыкIэзгъэкIрэ пкъыгъохэм, фэшъхьаф дзэ пкъыгъохэм.

Мэлылъфэгъум и 9 къалэу Тбылыс Шъхьафитныгъэм имафэ ехьылIагъэу Парламентыр зычIэт унэм ыпашъхьэ дэжь щыт мыжъосыным цIыфхэр щэзэрэгъэугъоигъагъэх, илъэс заулэкIэ къэхъугъагъэ къэхъу-къашIэм хэкIодэгъагъэхэр агу къагъэкIыжьыгъэх.

Хъурцэ политик IофышIэхэу Шъхьафитныгъэм имафэ фэгъэхьыгъэу Парламентым ыпашъхьэ дэжь къекIолIагъэхэм ащыщ бжыхьэм къэблэгъэрэ парламент хэдзынхэм зиполитикэ куп хэлэжьэщт Аласания Ираклий. Фитыныгъэ Радиом къыриIотагъ, мы мафэр хъурцэхэмкIэ нэшхъэй мафэу зыкIыщытым ылъапсэр.

Аласания: Мы мафэр тэркIэ нэшхъэй маф, сыда пIомэ зэкIэми тыгу къэтэгъэкIыжьых мэлылъфэгъум и9 хэкIодээгъагъэхэр. Ащ дыкIыгъоу мы мафэм зэшIокI къытеты тикъэралыгъо ианахь цIыф дэгъухэм ащыщ тыхъунэу, сыда пIомэ а цIыфхэм амал къытатыгъ ащ тегупшысэнэу. Сэ зэрэслъытэрэмкIэ, а къэхъугъэгъэ тхьамыкIагъом ыуж шъхьафитныгъэу къытIэкIэхьагъэм тегупшысэнэу амал къытеты – сыдэущтэу тишъхьафитныгъэ тыухъумэщта ыкIи лъыдгъэкIотэщта. ЗэкIэми тызэхэтэу тегугъын фае хъурцэ политикыр – губгъэным иполитикэ мыхъунэу, ащ пыщытэу, цIыфхэр зэкIэ зэхищэнхэу, тызэгъусэу тикъэралыгъо изыкIыныгъэрэ ишъхьафитныгъэрэ къэдгъэпсынэу. Сэ сэлъытэ, къэблэгъэрэ хэдзынхэм ащ фэдэ амал къытатэу.

Фитыныгъэ Радиом игущыIэгъугъэ Хъурцэм щыщ Дали къеIо ащыгъум ар пчэгум зэрэмыкIошъугъагъэр.

Дали: А илъэсым сэ пчэгум сыкъыдэкIыгъагъ мэлылъфэгъум и 8. И 9 сыкIошъугъагъэп. Ау сиунэ ишъхьангъупчъэхэр Iухыгъагъэх, сэ а чIыпIэм пэблагъэу сыщэпсэушъ. НыбжьыкIэхэу урымым къыблэкIыщтыгъэхэм аIощтыгъэ: «АукIыгъэх, аукIыгъэх!». Ар щынэгъо Iэягъ. Ащ дэжьым къыщежьэу цIыфхэм тигупшысакIи зызэблихъугъ. Сэ сшъхьэкIэ сегупшысагъ сыд фэдэ Iоф паекIи цIыфхэр уукIы зэрэмыхъущтыхэр. Ащыгъум хэкIодэгъэгъэ ныбжьыкIэхэм сыгу ягъу. Аущтэу зэрэзекIуагъэхэр-хьаолые. Зыми зи къыфихьыгъэп ащ. Сэ гъэ къэс цIыфхэр зыщыхэкIодэгъэ чIыпIэм сэкIо, остыгъэ щыкIэсэгъанэ а мыжъосынэу джыри амышIыпагъэм.

Диана: Мэлылъфэгъум и9 – хабзэп ыкIи мэфэкIэп, ар тишIэшъ маф. Ащыгъум лыуз-гууз Iае къэхъугъагъ. ЦIыфыбэмэ лые арахыгъагъ, ныбжьыкIабэ хэкIодэгъагъ зэхахьэу щыIагъэм. Тэ зэкIэми тыгу узыгъагъэ лъэшэу. А мафэм сэри сыщыIэн слъэкIыщтыгъагъэ. Тэ тэшIэ, мы мафэм илъэс къэс цIыф пэпчъ гупчэм къызэрэдэкIын фаер.

Шъхьафитныгъэм имафэ епхыгъэу Хъурцэм зэхэхьэ зэфэшъхьафхэр щырекIокIыгъэх.

Фитыныгъэ Радио, Щэрджэс Ларис, Тбылыс

 

Add comment

Name : *
Country :
E-mail :
Subject : *
Comment :
Users Comments