Newsletter
Name:
E-mail:

Бакурэ Ереванрэ зэзэгъащ Къущхьэ Карабахым деж я зэпэщIэтыныгъэр къызэтрагъэувыIэну

admin - 2016-04-05 22:22:12

 

Азербайджаным къэрал зыхъумэжыныгъэмкIэ министерствэм къызэритамкIэ, Къущхьэ Карабахым зэпэщIэтыныгъэр къыщызэтрагъэувыIэр.

Министерствэм къызэритамкIэ, абыкIэ Армением гурыIуахэщ. Къэрал щхьэхуэу зыкъэзылъытэжа Къущхьэ Карабахым зыхъумэжыныгъэмкIэ и министерствэми щIигъэбыдащ хэгъуэгум зэпэщIэтыныгъэр зэрыщагъэувыIэм теухуа хъыбарыр.

Армением и президентым нэхъ ипэкIэ жиIат, Къущхьэ Карабахыр къэрал щхьэхуэу къалъытэну хьэзыру. Абы и псалъэхэмкIэ, а хэгъуэгум деж Iэщэ зэпэщIэтыныгъэр щыщIэхуабжьэмэ, ар Ипщэ-Кавказым имызакъуэу зэран хуэхъунущ Европэми.

Апщыгъуэми Азербайджаным жиIэт, Армением и дзэхэм яубыда щIыналъэ псори къаутIыпщыжмэ, зауэр щигъэтыжыну хьэзыру.

Карабах щIыналъэм щытыкIэр щызэIыхьащ мэлыжьыхьым и 2 жэщым.

Лъэпкъыбэ Зэлъыкъуэувахэм я ЗэщIэхъееныгъэм блыщхьэм къызэритамкIэ, а Iэщэ зэпэщIэтыныгъэм хэкIуэдащ цIыху 30-м щIигъу, 200 нэхърэ нэхъыбэр уIэгъэ хъуащ.

ЗэпэщIэува лъэныкъуитIми къат, гъубж жэщым Къущхьэ Карабахым щыIэ фронтым и кIыхьагъкIэ щытыкIэр зэхэщIыхьауэ щытауэ.

Хуитыныгъэ Радио

 

Add comment

Name : *
Country :
E-mail :
Subject : *
Comment :
Users Comments