Newsletter
Name:
E-mail:

Адыгэ Республикэм ипащэхэр, министырхэр, депутатхэр конституцием еджагъэхэп

admin - 2016-03-13 17:58:34

 

Гъэтхапэм и 14-м, Адыгабзэм и мафэ тефэу Адыгэ республикэм щыIэ Мыекъопэ къэлэ хасэ хэтхэм мырзэныгъэ-зэхахьэ къырагъэкIокIынэу ягухэлъыгъ ау Мыекъопэ къэлэ тхьэматэмрэ республикэ полициемрэ фитыныгъэ къаратыгъэп ащ фэдэ зэхахьэ ашIынэу. Джащ фэдэу агенствэу Натпресс къетхы.

Къэлэ хасэм хэтхэм Адыгэ республикэмкIэ Адыгабзэм иIоф зытетыр зэрэдэйим пае мырэзэныгъэ-зэхахьэ ашIынэу арыгъэ.
ГущыIэм пае, Адыгабзэр Адыгэ республикэм иконституцие къэралыгъуабзэу итхагъ, Урысбзэм фэдэу ау егъэджапIэхэмкIэ Адыгабзэм фаер еджэщт фамыер еджэщтэп, Урысбзэм пстэури еджэн фаех. Джащ фэдэу Адыгэ республикэм иконституцие къырамыдзэу Адыгабзэм истатус къыраутэхы ыкIи мэхьанэ имыIэжьым фэдэу ашIы.

Адыгабзэр къэралыгъуабзэу конституцием зэритхагъэм фэдэу цIыфхэм мырзэныгъэ-зэхахьэхэр зэхащэнэу фитыныгъэ яIэу итхагъ, ягупщысэхэр, яеплъыкIэхэр шъхьэфитэу къаIонэу итхагъ.

ЗэрэхъурэмкIэ Адыгэ республикэм ипащэхэр, министырхэр, парламентым хэт депутатхэр конституцием еджагъэхэп е еджагъэхэми мэщынэхэу Кремлиным чIэсхэм яжьэхэм адаплъэхэу щысых.

Нэкъабэ Ахьмад

 

Add comment

Name : *
Country :
E-mail :
Subject : *
Comment :
Users Comments