Newsletter
Name:
E-mail:

Адыгэ Республикэм икомандэ хэт кIалэхэм медалищ къафа­гъэшъошагъ

admin - 2016-03-10 21:15:17

Сурэтым итхэр: Нэпсэу Бислъан, ПашIо Алый, Мерэм Дамир, Хьакурынэ Дамир.

Урысые Федерацием дзюдомкIэ изэнэкъокъу Рос­тов-на-Дону щыкIуагъ. Илъэс 21-м нэс зыныбжьхэр алырэгъум щызэбэныгъэх. Адыгэ Республикэм ихэ­шыпы­кIыгъэ командэ хэт кIалэхэм медалищ къафа­гъэшъошагъ.

Адыгэ къэралыгъо университетым физкультурэмрэ дзюдом­рэкIэ и Институт ия 2-рэ курс щеджэрэ ПашIо Алый килограмм 55-м нэс къэзыщэчырэмэ янэ­къокъугъ. Купым бэнэкIо 46-рэ хэтыгъ. Ульяновскэ, Дагъыстан, Москва къарыкIыгъэхэм А. Па­шIор атекIуи, финалныкъом хэхьагъ. Санкт-Петербург илIыкIо гу­гъэшхо римыгъэшIэу зэIукIэгъур къыхьыгъ. Дышъэ медалым фэгъэхьыгъэ бэнэгъум Къэбэртэе-Бэлъкъарымрэ Адыгеимрэ якIалэхэр щызэIукIагъэх. Алый текIоныгъэр къы­дихыгъ.

— ЗэIукIэгъуи 5-м щыщэу 3-р «къабзэу», тIур 7:0-у ПашIо Алый къыхьыгъэх, — къытиIуагъ тренер-кIэлэегъаджэу Нэпсэу Бислъан.

— Олимпиадэ джэгунхэм, дунаим, Европэм ячемпионхэр Мые­къуапэ бэнэпIэ еджапIэм ща­пIугъэх, — зэдэгущыIэгъур лъе­гъэкIуатэ А. ПашIом. — Сэри ащ зыщысэгъасэ, тренер, кIэлэ­егъэджэ дэгъухэр тиIэх. «Тхьа­шъуегъэпсэу» гъэзетымкIи ясIо­жьынэу сыфай.

А. ПашIом янэ Джыракъые, инэнэжъ-тэтэжъхэр Улапэ ­щыщых. Иапэрэ тренерыр Акъущ Бислъан, мы уахътэм Нэпсэу Бислъан ары зыгъасэрэр. Физкультурэмрэ дзюдомрэкIэ Институтым идиректорэу Бгъуашэ Айдэмыр Ростов-на-Дону щыIагъ, бэнэгъухэм яплъыгъ.

— Алый дэгъоу еджэ, спортсмен цIэрыIо хъун ылъэкIыщт. Тиреспубликэ щыкIорэ мэфэкIхэм, лъэпкъ Iофыгъохэм чанэу ахэла­жьэ, — къытиIуагъ А. ­Бгъуашэм.

Мерэм Дамири кг 55-рэ къэзыщэчырэмэ ябэныгъ, финалныкъом Къэбэртэе-Бэлъкъарым къикIыгъэ кIалэр къыщытекIуагъ. Ящэнэрэ чIыпIэр Д. Мерэмым къыдихыгъ. Нарт шъаор Джыракъые щапIугъ, Мыекъопэ къэралыгъо технологическэ университетым иколледж щеджэ, итре­нерхэр Акъущэ Бислъанрэ Хьакурынэ Дамиррэ.

Щыгъущэ Амир, кг 66-рэ, джэрз медалыр къыхьыгъ Адыгэ къэралыгъо университетым и Мыекъопэ колледж юристэу ще­джэ, тренерэу Роман Оробцовым егъасэ.

Медальхэр къыдэзыхыгъэхэм бэнакIохэр Урысыем, Европэм язэIукIэгъухэм ахэлэжьэщтых.

adygvoice.ru

 

Add comment

Name : *
Country :
E-mail :
Subject : *
Comment :
Users Comments