Newsletter
Name:
E-mail:

Тыркумрэ Урысеймрэ я дипломатие зэдауэр ужьыхкъым

admin - 2015-12-01 11:47:08

Давутогълу Ахъмэт

Тырку дзэ къарухэм урысей кхъухьлъатэр къызэрыраудыхам къикIа дипломатие зэдауэр урысей-тырку зэхущытыкIэхэм щыужьыхкъым.

ЛъэныкъуитIри текIкъым я гупщысэкIэмрэ я Iуэху еплъыкIэмрэ.

Кремлым и пресс-секретарым зэрыжиIамкIэ, урысей президент Путин Владимир Париж щекIуэкI климат саммитым деж тыркум и президент Эрдогъан Реджеп IущIэну зигъэхьэзыркъым, Эрдогъан «къысхуэгъэгъу» жиIэн зэримыдэм папщIэ.

Тыркум и премьер-министр Давутогълу Ахъмэт Брюссель деж зэрыжиIамкIэ, «зы къэралми «къысхуэгъэгъу» щIыжиIэн щыIэкъым, абы и хьэуа къэухьыр ихъумэжыну зэрыпылъам папщIэ».

Анкъара къызэритымкIэ, урысей дзэ кхъухьлъатэр Тыркум и хьэуа къэухьым илъэтащ щакIуэгъуэм и 24-м, икIи къраудыхыным ипэ къихуэу мызэ-мытIэу жраIащ гъуэщагъэ зэрищIэр.

Давутогълу зэрыжиIэмкIэ, Анкъара хуейщ Путин щакIуэгъуэм и 28-м къригъэжьа экономикэ санкцэхэр Iуихыжыну. Мэзкуум къегъэлъагъуэ, а санкцэхэр Тыркум икI мэкъумэш хъызмэтым и нэхъыбэм ехьэлIауэ.

Абы дэщIыгъуу, Ищхърэ-Атлантикэ Альянсым и секретарь нэхъыщхьэ Столтенберг Йенс зэрыжиIамкIэ, ахэр хуабжэьу ирогузавэ а хэгъуэгум урысей здзэ къарууэ итыр нэхъыбэ зэрыхъуам.

Столтенберг къызэрыхигъэщамкIэ Ищхъэрэ-Атлантикэ Альянсым гулъытэ хуещI щытыкIэр зэпIэзэрыт щIыжыным.

Хуитыныгъэ Радио

 

 

Add comment

Name : *
Country :
E-mail :
Subject : *
Comment :
Users Comments