Newsletter
Name:
E-mail:

Хы Iушъом Iус Адыгэхэм яфитыныгъэхэр Урысием еукъох

admin - 2014-09-11 16:57:14

ИА Натпресс къызэритырэмкIэ Хы Iушъом Iус Адыгэ къуаджэхэу Хьаджыкъо, Къэлэжъ, Лэгъэтх, Шьхьэфит щыпсэурэ Адыгэхэм тхылъ фагъэхьыгъ Хы Iушъом Iус Адыгэхэм яхасэ гупчъэ. Ащ зэритымкIэ Адыгэ къуаджэхэм адэжь блэкIырэ псыхъоу Ащэ зыфиIорэм хабзэм темытхэу, экологие Iофыр къыдамылъытэу Трактор ингорэхэр, Ку ингорэхэр псыхъом хэхьагъэхэу мыжъошъхъэхэр хахых.

Мы Iофым пае Хы Iушъом Iус Адыгэхэм яхасэ гупчъэ район тхьэматэхэм тхылъ афигъэхьыгъ. Ащ хасэм къыщеIо псыхъоу Ащэ хахырэ мыжъошъхъэхэр законым ыкIи экологием дырищтэрэп ыкIи лъэпкъ макIэу хъухэрэм афэгъэхьыгъэ законэу Урысие Федерацием иIэр еукъо.

ГъэрекIо мыщ фэдэ къабзэу законыр ыкIи экологиер къыдамылъытэу псыхъоу Щахэ зыгорэхэм мыжъошъхъэхэр хахэу аублэгъагъ ытIанэ Адыгэхэм зыкъаIэти Iофыр агъэуцун алъэкIыгъагъ.

КъэIогъэн фае, лъэпкъ макIэхэм афэгъэхьыгъэ законэу щыIэм гъэнэфагъэу ит а лъэпкъ макIэхэр зыщыпсэурэ чIыгухэм ыкIи ащ пэугъунэгъу мэзхэм, псыхъохэм, Iуашъхьэхэм ежьхэм анэмыкI хэлэжьэнэу зи фитэп ау мы законыр бэшIагъэ хъугъэу агъэцакIэрэп. Джащ фэдэу Хы Iушъом Iус Адыгэхэм яфитыныгъэхэр Урысием ыукъохэу къырекIо.

 

Add comment

Name : *
Country :
E-mail :
Subject : *
Comment :
Users Comments