Newsletter
Name:
E-mail:

Урысые Федерацием и Президент зыфагъэзагъ Сирие Адыгэхэм адэIэпыIэнэу

admin - 2015-09-18 08:40:48

 

Гражданскэ обществэм ыкIи цIыфхэм яфитыны­гъэхэр къэухъумэгъэнхэм хэхъоныгъэхэр ягъэ­шIы­гъэнхэмкIэ Урысые Федерацием и Президент дэжь щыIэ Советым (СКЧ-м) хэтхэм Владимир Путиным лъэIу тхылъ фатхыгъ,- къетхы Адыгэ Макъэм.

Ащ къыщеIо Сирием исыгъэ­хэу зышъхьэ къезыхьыжьэжьы­гъэхэм ащыщхэр Урысыеми къы­рагъэхьанхэ фаеу зэреп­лъы­хэрэр. Анахьэу къыхагъэщыхэрэр я 19-рэ лIэшIэгъум Кавказым егъэзыгъэкIэ икIыжьхи Сирием кIожьыгъэгъэ черкесхэм къа­хэкIыгъэ цIыфхэр ары.

Сирием щыкIорэ заом къырифыжьагъэхэр псэукIэ ямыIэу къинышхо хэтых, къэралыгъо гъунапкъэхэр хьазабкIэ зэпачых, ашхын яIэп, егъэзыгъэх. Урысыем къихьанхэм пае шъо­лъырхэм квотэу къаратырэр макIэ, ахэм гумэкIыгъохэр къа­пыкIынхэм хэбзэухъума­кIо­хэри тещыныхьэх.

Президентым фагъэхьазыры­гъэ письмэр зытхыгъэ Максим Шевченкэм хегъэунэфыкIы къэралыгъо пащэм унашъо ымышIэу мы Iофыгъор зэшIохыгъэ зэрэмыхъущтыр. Къежьэжьыгъэхэм фитыныгъэ заратыкIэ, пстэумэ апэу черкесхэм ячIыгужъ къагъэзэжьымэ, ар зэфагъэ зыхэлъ политическэ зекIуакIэ хъунэу елъытэ.

- Ахэр Кавказым исы­гъэх, Кавказ заом ыпкъ къикIыкIэ яхэку къабгынэгъагъ, Краснодар краимрэ Адыгеимрэ ащы­псэущтыгъэх. Урысыем ахэр къэ­кIожьынхэ фитэу Iизын ара­тыгъагъэмэ, Кавказ заом игу­гъэуз нэкIубгъохэр ащ нахь ыгъэ­упэбжьэщтыгъэх.

- Непэ Сирием черкес лъэпкъым къыхэкIыгъэу нэбгырэ мин 80 фэдиз ис, ахэм ащыщэу ми­ни 5 - 10-р Президентым Урысыем къыщэжьынхэ ылъэ­кIыщт, - еIо М. Шевченкэм.

- Кавказым амыгъэфедэу чIыгубэ илъ, нахьыбэр адыгэхэр зыщыпсэущтыгъэ Къэрэщэе-Щэрджэсым, Къэбэртэе-Бэлъкъарым, Адыгеим, Краснодар краим ащыIэх. М. Шевченкэм къызэриIорэмкIэ, Сирием щыIэ черкесхэм янахьыбэр къуа­джэ­хэм ащэпсэух. Арышъ, ахэр къэ­­кIожьыхэмэ, къалэхэм къадэнэнхэу фэещтхэп, зыми пэры­­-о­хъу фэхъущтхэп, зэсэгъэхэ чIы­пIэхэм афэдэхэм ащыпсэущтых.

 

Add comment

Name : *
Country :
E-mail :
Subject : *
Comment :
Users Comments