Newsletter
Name:
E-mail:

Жэпуэгъуэм и 10-м Адыгэ Бизнес дунейр Тыркум щызэхуос

admin - 2015-09-12 21:56:46

Бэлъкъэр Рафет. Тыркум Станбул къалэ.

Тюркие Достлук Кулюплери Платформу зи фlэщыгъэцlэ Тыркум щыlэ зэныбжьэгъуныгъэ кулбхэм я зэгухьэныгъэ Платформым жэпуэгъуэм и 10-м Тыркум и Истамбул къалэ деж зэхуэс щищlынущ.

Адыгэ бизнес дуней зыфlаща зэхуэсым къырихьэлlэнущ Адыгэ хэкужьым щыlэ бизнисменхэр, Йорданием, Сирием, Израилым нэгъуэщlхэми щыlэ Бизнисменхэр.

lуэхугъуэм теухуауэ и гупсысэхэмкlэ Хуитыныгъэ радиом къедгъэпсэлъащ, Тыркум щыlэ зэныбжьэгъуныгъэ кулбхэм я зэгухьэныгъэ Платформым и унафэщl, Бэлъкъэр Рафет.

Бэлъкъэр Рафет: “Ди Адыгэр Осман пащтыхьыгъуэм къызэрихьэу дызэпыхуащ. Къуажэхэм дыщыпсэути иджы къалэдэс дыхъуахэщ. Къалэхэми зэрызыу допсэур, дызэгъусэу дыпсэукъыми нэхъри док1уэдыжыр. Дэ Адыгэм 1уэху зезыхьэф, лэжьыгъэфl зи1э диlэхэщ, унафэщl ди1эхэщ. Мис ахэр псори дызэхуэсу дызэрыцlыхуу дыздэлэжьэну дыхуейщ. Тыркум ис Адыгэхэр, Хэкум ис Адыгэхэр, Сирием, Йорданием, Израилым ис Адыгэхэр, нэгъуэщl дэнэ щыlэ Адыгэми зыпытщlэну абы иужь дитщ. Дызэхуэсу ди къэкlуэнуми дыхуэлэжьэну аращ. Экономика и лъэныкъуэкlэ уеплъым lуэху, лэжьыгъэ зиlэ ди цlыхухэм, фабрика зиlэхэр дызэхуэсынущ. Дыщызэхуэсыну отелым жармык1э (Фуlар) хуэдэу къызэдгъэпэщынущ, абы хэти ищl хьэпшыпыр, и фабрикам къыщlигъэкlыр щигъэлъагъуэфынущ. Абдеж щимыгъэлъагъуэфыну щытыми и сурэт сыткlэ и лэжьыгъэм щыгъуазэ ищlынущ. Я лэжьыгъэхэр, къыщlагъхэк1хэр зэрагъэлъагъуу зэгурыlуэу щытым зэдэлажьэнухэщ. Докlуэдыж жыдоlэ, къызэрыхэзгъэщащи хэхэс дызэрыхъурэ нэгъуэщl дыхъуащ, хэтыр Тырку Адыгэ, хэтыр Сирие, Йордание Адыгэ дыхъуахэщ. Дызэрызэтемыхуэ куэд диlэ хъуащ. Дызыщыпсэу щlыпlэхэм елъытауэ бзэкlи дызэтемыхуэды хъуащ.

Тыркум ис Адыгэхэм нэхъ ди проблем иныр ди бзэр тщlэжкъым, ди бынхэм я бзэр яlурымылъу къохъур. Мыхэм едгъэщlэжу къэхъун хуейщ. Къалэдэс дыхъуащи иджы а къалэхэм ди егъэджапlэхэр, ди театрхэр нэгъуэщlхэри дэтыжу щытын хуейщ. Ди Адыгэ хасэхэр тхурикъукъым, зы мащlэ т1экlущ зэрыхъухэр. Нобэ хасэ жыхуэтlэхэр цlыху зы тlущ щызэхуэсырэ уэршэрырэ зэбгырыкlыжу апхуэдэщ, дэ апхуэдэу дыхуейкъым. Нэхъ Адыгэ хасэ тэрэзхэр духуэфын хуейщ. Дэ Адыгэу дыкъэнэжыну дыхуейщ. А псори дэ тщlэнущ, тхуэщlэнущ. Пщэдэрей махуэм ди хэкум дгъэзэжа нэужь ди бзэ тlурылъыу дыкlуэжын хуейщ. Ди хэкум дгъэзэжа нэужь псым къыхэкlа бдзэжьейм хуэдэу дыхъуну дыхуейкъым. Мис ахэм щхьа допlащlэ зэман диlэжкъым, дылэжьэн хуейщ. Дияпэкlэ илъэс 20 нэужьым Адыгэбзэкlэ псалъэу цlыху дгъуэтыжынукъым. Щlалэгъуалэ дгъуэтыжынукъым, щlалэгъуалэр здэкlуэнур, я щхьэм илъынур нобэ дгъэхьэзырын хуейщ.”


Платформым и унафэщl Бэлъкъэр Рафет зэрыжиlэмкlэ зэхуэсым бизнисмен къудейхэр мыхъуу Адыгэ лъэпкъ лэжьакlуэхэр, хасэ унафэщlхэр, къалэн хэха зыгъэзащlэхэри зэхуэсым къырагъэблагъэр.

Емуз Баязыт, Хуитыныгъэ радио, Тюркие

 

Add comment

Name : *
Country :
E-mail :
Subject : *
Comment :
Users Comments