Newsletter
Name:
E-mail:

«Интерралли Шъхьэгуащэ 2015» мэлылъфэгъум и 27-м ы­ублэщт

admin - 2015-03-26 11:56:14

 

«Интерралли Шъхьэгуащэ-2015-рэ» зыфиIорэ спорт-зекIо джэгуныр мэлылъфэгъу мазэм и 27-м къыщы­ублагъэу жъоныгъокIэ мазэм и 3-м нэс Мыекъопэ районым ипсэупIэу ХъымыщкIэй дэжь щыкIощт. Ащ фэгъэхьыгъэ зэхахьэм Адыгэ Рес­публикэм и Премьер-министрэу КъумпIыл Мурат къыщыгущыIагъ.

Спорт зэнэкъокъур илъэс 39-рэ хъугъэу Адыгеим щызэхащэ. КъумпIыл Мурат зэрэ­хигъэунэфыкIыгъэу, тиреспубликэ ыцIэ лъагэу зыIэтырэмэ, Адыгеир нахьышIоу Урысыем щязыгъашIэрэмэ «Интерралли Шъхьэгуащэр» зыкIэ ащыщ. Спорт зэIукIэгъухэр шэпхъэ лъагэмэ адиштэу тиреспубликэ щыкIонхэмкIэ зэхэщакIохэм япшъэрылъхэр дэгъоу агъэцэ­кIэщтых.

Урысыем и Кубок къыдэхыгъэнымкIэ спорт­сменхэм яухьазырыныгъэ къагъэлъэгъощт. Уры­сыем и Къыблэ, Адыгэ Республикэм изэ­Iухыгъэ зэIукIэгъухэр а мафэхэм зэха­щэщтых.

Адыгеим, Краснодар краим рафтингымкIэ яфедерациехэр, спорт зекIонымкIэ ­Адыгеим ифедерацие, нэмыкIхэр Iофтхьабзэм дэлэжьэщтых. ШэнышIу зэрэхъугъэу, орэдыIохэр зэнэкъокъущтых. Фестивалым Адыгеим итвор­ческэ купхэу «Ошъадэр», «Ошъутенэр», Мые­къуапэ инэфылъэхэр», «Казачатэр», фэ­шъхьаф­хэри хэлэжьэнхэ алъэкIыщт. СатыушI­хэри зэхахьэм къырагъэблэгъэщтых. Тари­хъым, культурэм, искусствэм яхьылIэгъэ пкъыгъохэр къыщагъэлъэгъощтых.

- Адыгэ шъуашэм, тилъэпкъ ­къашъохэм ядэхагъэ мыщ фэдэ фестивальхэм къащыт­Iотэным тыфэхьазыр, - еIо «Мыекъуапэ инэфылъэхэм» яхудожественнэ пащэу, Адыге­имрэ Къэбэртэе-Бэлъкъарымрэ язаслуженнэ артистэу Нэныжъ Айдэмыр.

«Ошъадэм» ихудожественнэ пащэу, Адыге­им изаслуженнэ артисткэу Едыдж ­Викторие зэрилъытэрэмкIэ, Кавказым икъашъохэр ти­артистхэм дахэу къашIых. Арышъ, тишэн-ха­бзэхэри къашъохэмкIэ хьакIэмэ арагъэ­лъэгъун алъэкIыщт.

Сурэтым итыр: ХъымыщкIэй дэжь щы­кIощт зэнэкъокъум джащ фэдэхэр щытлъэгъущтых.

Адыгэ Макъ

 


 

 

Add comment

Name : *
Country :
E-mail :
Subject : *
Comment :
Users Comments